ԱՄՆ նախագահ Դոնալդ Թրամփը եւ Չինաստանի նախագահ Սի Ցզինպինը երկուշաբթի հեռախոսազրույցի ընթացքում քննարկել են Հյուսիսային Կորեայի ճգնաժամը եւ դրա լուծման ուղիները, հաղորդում է Սպիտակ տունը:
«Նախագահ Դոնալդ Թրամփը երեկ հեռախոսազրույց է ունեցել Չինաստանի Ժողովրդական Հանրապետության նախագահ Սի Ցզինպինի հետ Կորեայի թերակղզում վերջին զարգացումները քննարկելու համար: Նախագահ Թրամփը եւ նախագահ Սի Ցզինպին ողջունել են միջկորեական երկխոսության վերսկսումը եւ հույս հայտնել, որ այն կարող է փոխել Հյուսիսային Կորեայի ապակառուցողական վարքը», - նշվում է հաղորդագրության մեջ:
«Նախագահ Թրամփը խոստացել է շարունակել աջակցել ԱՄՆ ղեկավարած դիվանագիտական ուժեղացված ճնշման գլոբալ արշավին, որպեսզի ստիպեն Հյուսիսային Կորեային ապամիջուկայնացմանը համաձայնել», - հաղորդում է «ՌԻԱ Նովոստին»: