Հռոմի պապ Ֆրանցիսկոսը երեքշաբթի հանդիպել է չիլիացի կաթոլիկ հոգեւորականների կողմից սեռական բռնության զոհերի հետ, փոխանցում է «ՌԻԱ Նովոստի»-ն:
«Հանդիպումն անցել է բացարձակ մասնավոր ձեւաչափով՝ այնտեղ պապից եւ զոհերից բացի, այլ մեկը չի եղել»,- Excelsior պորտալի փոխանցմամբ՝ ասել է Վատիկանի ներկայացուցիչ Գրեգ Բուրքը:
Ավելի վաղ Հռոմի պապը հանդիպել էր Չիլիի նախագահ Միշել Բաչելետի հետ: Հանդիպման ժամանակ նա հրապարակայնորեն ներողություն է խնդրել հարավամերիկյան այս երկրի մանկապիղծ հոգեւորականների համար: