Հայաստանի Ազգային ժողովը շարունակում է իր աշխատանքը. քվեարկվում են նախորդ օրը քննարկված օրինագծերը:
Մասնավորապես, նախօրեին քննարկվել են «Շահումով խաղերի, ինտերնետ շահումով խաղերի եւ խաղատների մասին» ՀՀ օրենքում լրացումներ կատարելու մասին» օրենքի նախագիծը, որի քննարկման համար որոշվել էր տրամադրել 90 րոպե:
Քննարկվել են նաեւ «Սահմանադրական դատարանի մասին», «Ահաբեկչության դեմ պայքարի մասին» Հայաստանի Հանրապետության օրենքում փոփոխություններ կատարելու մասին, Հայաստանի Հանրապետության քրեական օրենսգրքում լրացում կատարելու մասին», «Փողերի լվացման եւ ահաբեկչության ֆինանսավորման դեմ պայքարի մասին» Հայաստանի Հանրապետության օրենքում փոփոխություններ եւ լրացումներ կատարելու մասին եւ մի շարք այլ օրինագծեր:
Ավելի վաղ NEWS.am-ը հայտնել էր, որ ԱԺ 6-րդ գումարման 3-րդ նստաշրջանի այս տարվա առաջին քառօրյա նիստերի օրակարգում ընդգրկված էր 26 հարց, որոնք բոլորն էլ արդեն քննարկվել են, բացառությամբ «Ոստիկանության մասին» օրենքի փոփոխությունների: Այսօր երեկոյան ժամը 16.30-ին կլինի Կառավարության հետ հարցուպատասխան:
