«Ելք» դաշինքը հաճախ է խոսել ինֆլյացիայի խնդրի մասին, եւ այն մենք բազմիցս ենք առաջ քաշել: Այս մասին հունվարի 17-ին լրագրողների հետ հանդիպման ժամանակ ասաց «Ելք» դաշինքից Երեւանի ավագանու անդամ Արայիկ Հարությունյանը:
Նրա խոսքով՝ Եվրասիական տնտեսական միությանը Հայաստանի անդամակցության դադարեցման մասին առաջարկը զգալի չափով կապված էր հենց հնարավոր գնաճի հետ: «Մենք բազմիցս ենք ասել, թե ամեն ինչ ինչից է սկսվել, սակայն քաղաքացիները մեզ չլսեցին, բայց մենք հույս ունենք, որ հիմա ամեն ինչ կփոխվի»,- ասաց Հարությունյանը՝ հավելելով, որ բողոքի եթի ժամանակ, որը կանցկացվի հունվարի 19-ին Երեւանում, իրենք կառաջարկեն նաեւ չեղյալ համարել հունվարի 1-ից գործող Հարկային օրենսգիրքը, որը ակցիզային հարկի մեծացում է նախատեսում սեղմված գազի, բենզինի եւ դիզվառելիքի համար:
Հարությունյանի կարծիքով՝ պայքարը պետք է վարվի եւ շարունակվի ոչ միայն խորհրդարանի պատերի մեջ, այլ նաեւ անհրաժեշտության դեպքում մայրաքաղաքի փողոցներում: ««Ելք» դաշինքը բոլոր նախադրյալները ստեղծել է, որպեսզի մարդիկ բողոքի երթի դուրս գան, մնացյալը կախված է միայն երկրի քաղաքացիներից»,- եզրափակեց դաշինքի ներկայացուցիչը:
