Երկարատեւ հիվանդությունից հետո 89 տարեկանում կյանքից հեռացել է հայոց լեզվի ճանաչված մասնագետ Նինել Գասպարի Մինասյանը։
Հոգեհանգիստը տեղի կունենա հունվարի 18-ին՝ ժամը 18։00-ից 20։00-ն, Նոր Նորքի 5-րդ զանգվածի Սուրբ Սարգիս եկեղեցում։ Հուղարկավորության արարողությունը տեղի կունենա հունվարի 19-ին՝ ժամը 14.00-ին։
Նինել Մինասյանը ծնվել է 1929թ. հունվարի 5-ին, Երեւանում։ Նա երկար տարիներ աշխատել է Վալերի Բրյուսովի անվան պետական լեզվաբանական համալսարանի Հայագիտության ամբիոնում։ Բանասիրական գիտությունների թեկնածու էր, դոցենտ։ Նինել Մինասյանը փիլիսոփայական գիտությունների դոկտոր Միքայել Մկրտչի Մինասյանի կինն էր եւ Արա, Արմեն եւ Արմինե Մինասյանների մայրը։