Թող Հայաստանի քաղաքացիներն իրենց բյուջեին առավել համապատասխան մթերքներ գնեն: Այս մասին հունվարի 17-ին ՀՀ Ազգային ժողովի նիստին հայտարարեց փոխվարչապետ, տարածքային կառավարման նախարար Վաչե Գաբրիելյանը` պատասխանելով «Ելք» դաշինքի խմբակցության ղեկավար Նիկոլ Փաշինյանի՝ հանրապետությունում գների աճի վերաբերյալ հարցին: «Կարտոֆիլի գները թռել են, ի՞նչ ուտեն աղքատները՝ խառը կանաչի՞, սխտո՞ր, կանաչ սո՞խ»,- նշել է Փաշինյանը։
Ի պատասխան ՀՀ փոխվարչապետ Վաչե Գաբրիելյանը հույս հայտնեց, որ այս ցանկից Հայաստանի բնակչությունը կընտրի իր բյուջեն առավել հարմար եւ միեւնույն ժամանակ բարձր կալորիականությամբ մթերքները: «Իսկ եթե նրանք չկարողանան դա անել, ապա հուսով եմ, որ գների վերաբերյալ մեր կողմից ներկայացված վիճակագրական տվյալները կօգնեն նրանց»,- եզրափակեց պաշտոնյան:
