Ավելի քան երեք հազար մարդ է ստորագրել խնդրագրի տակ՝ պահանջելով չհեռացնել Քաղավիացիայի Ուլյանովսկի ինստիտուտի կուրսանտներին՝ համացանցում նրանց մասնակցությամբ տեսանյութի համար։
Նշենք, որ համացանցում հայտնվել էր իտալացի դիջեյ Բեննի Բենասսիի Satisfaction երգի տեսահոլովակի՝ Ուլյանովսկի Քաղաքացիական ավիացիայի ինստիտուտի ուսանողների կողմից նկարահանված կրկնօրինակման տեսանյութը։ «Ինչպես են օդաչուները զվարճացնում թռիչքների արանքում» անվամբ տեսանյութում կիսամերկ ուսանողները BDSM ոճի հագուստներով պարում են Satisfaction երգի տակ: Տեսանյութի վերջում բոլոր մասնակիցները հավաքվում են մի սենյակում եւ սկսում են գրկախառնվել:
