Մոսկվան խստորեն դատապարտում է Բաղդադի կրկնակի ահաբեկչական հարձակումները, որոնց հետեւանքով հունվարի 15-ին զոհվել է ավելի քան 30 մարդ, 100-ից ավելը՝ վիրավորվել: Այս մասին ասվում է ՌԴ ԱԳՆ տարածված մեկնաբանության մեջ:
«Մոսկվան խստորեն դատապարտում է Իրաքի բազմաչարչար հողում ահաբեկիչների հերթական հարձակումները, որոնք ակնհայտ ցույց են տալիս մարտնչող արմատականների անմարդկային էությունը», - ասվում է հաղորդագրությունում: «Հատուկ մտահոգություն է առաջացնում այն փաստը, որ նրանց քայլերը երկրի համար վճռորոշ պահին նպատակ են հետապնդում խոչընդոտել ազգային կոնսենսուսին հասնելու ջանքները»:
«Մենք անկեղծ ցավակցություն ենք հայտնում զոհվածների ընտանիքներին, վիրավորվածներին շուտափույթ ապաքինում ենք ցանկանում», - ընդգծել է ՌԴ ԱԳՆ-ն:
«Միեւնույն ժամանակ մենք նշում ենք ահաբեկիչների դեմ վճռական եւ անզիջում պայքարը շարունակելու կարեւորությունը, անկախ նրանից, թե ինչ կարգախոսներով են նրանք թաքնվում»: