Google տեխնոլոգիական ընկերությունը Coursera կրթական պլատֆորմի հետ սկսնակ տեղեկատվական տեխնոլոգիաների մասնագետների համար կրթական օնլայն ծրագրի մեկնարկի մասին է հայտարարել: Այս մասին հաղորդում է TechCrunch-ը:

Google-ի IT Support Professional Certificate ծրագիրը ենթադրում է տեխնիկական աջակցության հիմքի, համակարգային ադմինիստրացիայի, օպերացիոն համակարգերի եւ համակարգչային ցանցերի հետ աշխատանքի սկզբունքների, կիբերանվտանգության ուսուցանում:

Դասընթացի տեւողությունը 8-10 ամիս է: Դասընթացին կարող է աշխարհի տարբեր երկրներից 10 հազար մարդ մասնակցել, այդ թվում նրանք, ովքեր տեղեկատվական տեխնոլոգիաների ոլորտում չունեն մասնագիտական կրթություն եւ փորձառություն: