Ուկրաինայի նախագահ Պետրո Պորոշենկոն հայտարարել է, որ ԱՄՆ ֆինանսավորմամբ Ուկրաինային կմատակարարվեն Javelin հակատանկային համալիրներ: Այս մասին նա ասել է Ազգային անվտանգության եւ պաշտպանության խորհրդի նիստում, ելույթի տեսանյութը տեղադրվել է Facebook-ում, հաղորդում է UNIAN- ը:
«Ես շեշտում եմ, որ մեր թիմի քրտնաջան աշխատանքի արդյունքում մենք այսօր դրական լուր ունենք: Javelin հակատանկային համալիրները Միացյալ Նահանգների ֆինանսավորմամբ մեզ կուղարկվեն որպես պաշտպանական զենք», - ասել է նա:
«Նման զենք ձեռք բերելու համար մենք պետք է այն պահելու պատշաճ տեղեր ունենանք, քանի որ դրա համար պահանջներ կան:
Այս բոլոր հարցերն արդեն լուծվել են:
Ոչ ոք չի պատրաստվում փոխանցել, տալ կամ այսպես ասենք նույնիսկ մարտում թողնել դրանք»,-ասել էգլխավոր շտաբի ղեկավար Վիկտոր Մուժենկոն:
Խոսելով ժամկետների մասին՝ գեներալը նշել է, որ այդ թեմայով խոսել է այլ երկրների իր գործընկերների հետ:
«Նրանք տարբեր ժամկետնեեր են նշում՝ 2 կամ 5-6 ամսվա ընթացքում», - ասել է գլխավոր շտաբի ղեկավարը: