Այս տարվա սառնամանիքի առաջին զոհը գրանցվել է Մեքսիկայում, հաղորդում է Օահակայի գլխավոր դատախազությունը, փոխանցում է «ՌԻԱ Նովոստի»-ն:
Գերատեսչության տվյալներով՝ Օահակայի քաղաքի անօթեւան տարեց բնակիչը մահացել է ցրտահարությունից: Նա 70 տարեկան էր: Հերձումը ցույց է տվել, որ ծեր մարդու մարմինը թուլացել էր թերսնման պատճառով, ուստի մարդը չի կարող դիմակայել ցրտին: Այս միջադեպից հետո Օահակայում ծավալվել է «Փողոցները ծածկելու» գործողությունը, որի շրջանակներում անօթեւաններին բաժանում են վերմակներ, որպեսզի նրանք կարողանանա ավելի հեշտ դիմակայել ցրտին։
Դեկտեմբերի վերջին մի քանի շաբաթ շարունակ Մեքսիկայի զգալի մասում գրանցվել էր սառնամանիք, որոշ տեղերում հասնելով զրոյից ցածր՝ մինչեւ 15 աստիճան : Կենտրոնացված ջեռուցման բացակայության պատճառով բնակչությունը շատ զգայուն է նման ջերմաստիճանի նկատմամբ: Ցածր ջերմաստիճանը հանգեցրել է, ընդհանուր առմամբ, 13 մարդու մահվան, հաղորդում է երկրի առողջապահության նախարարությունը:
