Մեքսիկայի հետ սահմանին պատի կառուցումն ԱՄՆ-ին մինչեւ 20 մլրդ դոլար կարժենա, սակայն նախագահ Դոնալդ Թրամփը Մեքսիկային պատի շինարարության համար վճարել ստիպելու հույսը չի կորցնում: Այս մասին Fox News-ին տված հարցազրույցում հայտարարել է Սպիտակ տան ադմինիստրացիայի ղեկավար Ջոն Քելլին, փոխանցում է «ՌԻԱ Նովոստի»-ն:
ԱՄՆ նախագահի՝ պատի կառուցման հարցում հայացքները «շարունակում են զարգացում ապրել», նշել է Քելլին: Ընդ որում, վերջինիս խոսքով, Թրամփը ուսումնասիրում է Մեքսիկայի կողմից պատի շինարարության համար վճարելու տարբերակը: