News
Լրահոս
News
Ուրբաթ
Փետրվար 22
Տեսնել լրահոսը

ՎիվաՍել-ՄՏՍ-ի աջակցությամբ՝ հայ կամերային երաժշտության անթոլոգիա  ծրագրի շրջանակներում  յոթ  տարվա  ընթացքում  ՙԱրս լունգա՚ դուետի կողմից ձայնագրվել են շուրջ 100 հայ կոմպոզիտորների ստեղծագործություններ, գրված ինչպես դուետի, այնպես էլ տրիոյի կազմի համար՝ ամփոփված 22 ձայնասկավառակներում:

Անթոլոգիայում  ներգրավված ստեղծագործություններն ընդգրկում են  հայ ակադեմիական երաժշտական ստեղծագործական մտքի  եւ ավանդույթների լայն շրջանակ, եւ կարեւորագույն փաստերից է այն, որ կոմպոզիտորական անվանացանկում դուետի կողմից ընդգրկվում են ոչ միայն անվանի, այլ նաեւ  երիտասարդ սերնդի ներկայացուցիչներ, ում անունները երբեւիցե չեն հնչել եւ սփյուռքահայ կոմպոզիտորներ, որոնցից շատերի անունները մինչ այդ անհայտ են եղել հասարակությանը:

2017թ.-ին իրականացվել է երկու ձայնասկավառակ՝ ամփոփված Կարեն Անանյանի, Աշոտ Արյանի, Մադաթ Ավանեսովի, Էդուարդ Հայրապետյանի, Ալիսա Սարգսյանի, Սվետլանա Ալեքսանյանի դաշնամուրային տրիոներով` ջութակահարներ  Սիրանուշ  Ասատրյանի (Գերմանիա), Թերեզա Նաչարյանի, Աննա Պետրոսյանի, Մերի Մարգարյանի հետ համատեղ։

Դուետը հայ ակադեմիական երաժշտության կատարումներով հանդես է եկել Գերմանիայի Կարլսրուհե քաղաքում՝ հայ-գերմանական փառատոնի շրջանակներում եւ Օֆֆենբուրգի Շիլլերի անվան համերգասրահում, ինչպես նաեւ մի շարք համերգային ծրագրերի է մասնակցել Երեւանում:

Նախագծի կարեւորությունը կայանում է նրանում, որ արդյունքում բացահայտվում են կոմպոզիտորական նոր անուններ, ստեղծվում նորագույն երաժշտություն ու վերակենդանացվում վաղուց մոռացված նոտաներն ու ստեղծագործությունները: Այս ամենը մեծ ոգեւորությամբ ընդունվում է արվեստասեր հասարակության կողմից՝ աշխարհի տարբեր ծայրերում: Հայ երաժշտության  պատմության մեջ այս ծրագիրն իր ձեւով եւ բովանդակությամբ միակն է եւ իրագործելի է դարձել հայ արվեստի զարգացմանը, պահպանմանն ու հավերժացման գործին ուղղված՝ ՎիվաՍել-ՄՏՍ-ի եռանդուն ու երկարաժամկետ ներդրման շնորհիվ՚,-ասել է ՙԱրս լունգա՚ դուետի նախագահ Արամ Թալալյանը:

«Դասական երաժշտության ոլորտում նոր երեւույթի, նոր անունների բացահայտումը չափազանց կարեւոր է: Նորն ու նորարարությունը երբեք հեշտ ու արագ չեն ձեւավորվում. դրանց համար ժամանակ է պետք, ստեղծագործ աշխատանք ու մեծ նվիրում: Սակայն, մեծ արվեստի դեպքում այդ ամենը դեռեւս բավարար չէ, քանի որ նորը կյանքի կոչելու եւ հասարակությանն այն հասանելի դարձնելու համար նաեւ անհրաժեշտ է հետեւողական աջակցություն: ՎիվաՍել-ՄՏՍ-ը գիտակցում է, որ երաժշտարվեստի ավանդույթների պահպանությունն ու դրանց հետեւողական զարգացումը հավասարապես կարեւոր են ազգային ամուր ինքնության համար», - ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Հեռահաղորդակցության առաջատար օպերատորի աջակցությամբ իրականացվող ծրագրի շրջանակներում նաեւ նկարահանվել են հեռուստաֆիլմեր, որոնցում ընդգրկված են հայ կոմպոզիտորների ստեղծագործությունները՝ դուետի կատարմամբ, ինչպես նաեւ անմիջականորեն դուետի համար գրված (հեղինակված) աշխատանքների համերգային կատարումները:

Տպել
Կարդացեք նաև
Ամբողջը
Ագարակաձորի մանկապարտեզում արեւային ջրատաքացուցիչներով համալրված՝ ջեռուցման լոկալ համակարգ է կառուցվում
Վայոց ձորի Ագարակաձոր գյուղի մանկապարտեզում ակտիվ աշխատանքներ են իրականացվում…
ՎիվաՍել-ՄՏՍ. հրապարակվել են ամրակցված և շարժական կապի ծառայությունների հասանելիության մասին տեղեկությունները
Ընկերության հանրային էլեկտրոնային հաղորդակցության շարժական կապի ծածկույթ չունեցող բնակավայրերի ցանկի...
Տեսախցիկները դարձյալ կովկասյան հովազ են ֆիքսել Հայաստանում (ֆոտո)
Կովկասյան հովազի եւ վայրի այլ կենդանատեսակների շարժի տեսագրությունները կարեւոր փաստեր են՝ տարածքի պահպանությանն ուղղված քայլերը վերլուծելու եւ գնահատելու համար…
Եւս 67 էներգախնայող լուսարձակ․ ՎիվաՍել-ՄՏՍ-ը եւ FPWC հիմնադրամը շարունակում են լուսավորել սահմանամերձ Բերդավանը
2016 թվականից Բերդավանում իրականացվել է երկու ծրագիր, որոնց արդյունքում տեղակայվել է 202 LED լուսարձակ․․․
Սիրո տոներին ընդառաջ ՎիվաՍել-ՄՏՍ-ը նոր առաջարկով է հանդես գալիս
Առաջարկը գործում է մինչև ս.թ. փետրվարի 18-ը...
«X» եւ «Y» պլանների բաժանորդները կարող են անսահմանափակ օգտվել «Facebook» եւ «Instagram» հավելվածներից. ՎիվաՍել-ՄՏՍ
400 րոպե ցանցի ներսում, դեպի ՀՀ ցանցեր, 374 97 եւ 374 47 ցանցեր, դեպի ԱՄՆ եւ Կանադա, ՄՏՍ Ռուսաստան եւ Vodafone Ուկրաինա…