Ռուսաստանն անհրաժեշտ է համարում արագացնել թվային տնտեսության զարգացումը Եվրասիական տնտեսական միության (ԵՏՄ) շրջանակներում: Այս մասին ասված է 2018 թվականի հունվարի 1-ից Միության բարձրագույն մարմիններում Ռուսաստանի նախագահության ստանձնման առնչությամբ ԵՏՄ երկրների ղեկավարներին ուղղված նախագահի Վլադիմիր Պուտինի ուղերձում։ Ուղերձի տեքստը հրապարակվել է Կրեմլի կայքում, հաղորդում է ՏԱՍՍ-ը:
«Անհրաժեշտ ենք համարում արագացնել Միության ընդհանուր թվային օրակարգի իրականացման ընթացքը: «Ինտերնետ-տնտեսության» զարգացման հարցով գործողությունների համակարգումը, թվային առեւտուր վարելու ընդհանուր կանոնների, տեղեկատվության փոխանակման միասնական ստանդարտների եւ նրա պաշտպանության ձեւավորումը»,-նշված է Պուտինի ուղերձում։
Ռուսաստանի նախագահը կոչ է արել բարձր տեխնոլոգիաներ ներդնել պետական կառավարման, արդյունաբերության, մաքսային կարգավորման եւ այլ ոլորտներում, ինչպես նաեւ «համատեղ մրցակցային, նորարարական եւ գիտելիքահեն արդյունաբերություն» թողարկել: