Հայաստանն այնպիսի տարածաշրջանում է գտնվում, որտեղ կարող են տեղի ունենալ ամենանկանխատեսելի իրադարձությունները: Այս մասին հունվարի 18-ին լրագրողների հետ հանդիպման ժամանակ հայտարարեց իրեն որպես փորձագետ դիրքավորող ՀՅԴ նախկին անդամ, իսկ ավելի ուշ՝ «Ժառանգություն» կուսակցության անդամ և Ռուբեն Հակոբյանը: Նրա խոսքով՝ տրամաբանության տեսանկյունից դժվար է կանխատեսել, թե ինչպես են զարգանալու իրադարձություններն աշխարհում: «Բայց մեր տարածաշրջանն ամենառազմականացվածներից եւ ռիսկայիններից է աշխարհում: Իհարկե, մեզանից համապատասխան քաղաքականության միջոցով դրան պատշաճ կերպով հակադարձելու ունակություն է պահանջվում»,- ասաց Հակոբյանը` նշելով, որ Հայաստանի Հանրապետության քաղաքական համակարգը չի համապատասխանում այդ մարտահրավերներին:
Ըստ վերջինիս՝ խոսքը եւ՛ ընդդիմությունը, եւ՛ իշխանության մասին է, քանի որ երկու ճամբարներն էլ նույն կանոններով են խաղում: «Հայաստանում բոլոր քաղաքական գործիչները տառապում են նարցիսիզմով եւ իրենց հատուկ ու անփոխարինելի են համարում, ինչը ոչ միայն չի համապատասխանում իրականությանը, այլեւ բացասական է ազդում, մասնավորապես, ընդդիմության վրա», - ասաց Հակոբյանը: Նրա կարծիքով՝ դրանից ամեն կերպ օգտվում են գործող իշխանությունները՝ պառակտում առաջացնելով ընդդիմության շարքերում: Բացի այդ, իշխանություններն օգտվում են այն հանգամանքից, որ ընդդիմությունը չի կարող իրական այլընտրանք առաջարկել: