News
Լրահոս
News
Երեքշաբթի
Օգոստոս 21
Տեսնել լրահոսը

ՄԱԿ գլխավոր քարտուղար Անտոնիո Գուտերեշը կոչ է արել Սիրիայում քիմիական զենքի օգտագործման համար պատասխանատու անձանց հայտնաբերել եւ պատասխանատվության ենթարկել: Այդ մասին զանգվածային ոչնչացման զենքի տարածումը կանխելուն նվիրված Անվտանգության խորհրդի նիստում ասել է նա, հաղորդում է ՏԱՍՍ-ը:

Ըստ նրա՝ «քիմիական զենքի կիրառումը լուրջ մարտահրավեր է հանդիսանում զանգվածային ոչնչացման զենքի համաշխարհային արգելքին: «Եթե նորից հաստատվի, որ Սիրիայում քիմիական զենք է կիրառվել, միջազգային հանրությունը պետք է պատշաճ միջոցներ գտնի մեղավորներին բացահայտեելու եւ պատասխանատվության ենթարկելու համար: Հակառակ դեպքում մենք թույլ կտանք առանց պատժվելու քիմիական զենք օգտագործել: Հուսով եմ, որ Անվտանգության խորհուրդը կկարողանա կրկին միավորվել այս հարցում», - ասել է Գլխավոր քարտուղարը:

Իր 10 րոպեանոց ելույթի ժամանակ Գուտերեշը անդրադարձել է այսօր զանգվածային ոչնչացման զենքի տարածման կանխմանն ուղղված հիմնական մարտահրավերներին՝ սկսելով ԿԺԴՀ ծրագրի շուրջ միջուկային ճգնաժամից:

Նրա խոսքով՝ Կորեական թերակղզում իրավիճակը «այսօր աշխարհի համար ամենասուր եւ վտանգավոր սպառնալիքն է»:

Նա մտահոգություն է հայտնել «ռազմական առճակատման աճող ռիսկի եւ հետագայում դրա հետեւանքների համար», ինչպես նաեւ ողջունել է Փհենյանի դեմ պատժամիջոցների խստացումը: Բացի դրանից, նա դրական է արտահայտվել Պեկինում եւ Սեուլում շփումների վերսկսման կապակցությամբ` նշելով, որ դա «չափազանց կարեւոր է սխալների եւ թյուրիմացությունների ռիսկի նվազեցման, ինչպես նաեւ լարվածության նվազեցման համար»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ը կբարձրացնի Կորեական թերակղզու ապամիջուկայնացման հարցը սեպտեմբերին կայանալիք ԳԱ հանդիպումներում
Գլխավոր քարտուղարն անհամբերությամբ սպասում է․․․
Քոֆի Անանի մահվան կապակցությամբ ՄԱԿ-ն ամբողջ աշխարհում կիջեցնի դրոշները
Չորեքշաբթի առավոտյան Գլխավոր վեհաժողովի շենքի նախասրահում տեղի կունենա սգո արարողություն...
Ներառական կրթության ապահովումը պետք է դիտարկել որպես գլոբալ նպատակ. Արա Բաբլոյան
Արա Բաբլոյանն ընդունել է ՄԱԿ-ի Մանկական հիմնադրամի հայաստանյան գրասենյակի ղեկավարին...
Կարմիր խաչի ղեկավարը Քոֆի Անանի մահը աշխարհի համար մեծ կորուստ է անվանել
«Վշտացած եմ Քոֆի Անանի մահվան լուրից: Հումանիտար գործունեության իսկական առաջնորդ եւ խաղաղության մարտիկ...
Մահացել է ՄԱԿ նախկին գլխավոր քարտուղար Քոֆի Անանը (ֆոտո)
2001 թվականին նա արժանացել է խաղաղության Նոբելյան մրցանակի…
ՄԱԿ-ում մտադիր են գրեթե 50 մլն դոլար հատկացնել Վենեսուելայից փախստականների օգնության համար
Պատրաստ է ֆինանսական օգնություն հատկացնել նաեւ Միգրացիայի միջազգային կազմակերպությունը…
Partner news