Հայաստանի քրեակատարողական հիմնարկների (ՔԿՀ-ների ) խնդիրներից մեկն մնում է կալանավորվածների միջեւ հիերարխիկ հարաբերությունները։ Այս մասին մամուլի ասուլիսի ժամանակ հայտարարել է ՔԿՀ-ներում հասարակական վերահսկողություն իրականացնող դիտորդական խմբի անդամ Ռոբերտ Ռեւազյանը։
«Հիերարխիկ հարաբերությունները հիմնական խնդիրներից են, բայց դրա դեմ պայքար չի վարվում: ՔԿՀ-ների մյուս աշխատակիցները նույնիսկ համարում են, որ դա թույլ է տալիս իրավիճակը վերահսկողության տակ պահել»,-նշել է Ռեւազյանը: Սակայն, փորձագետը կարծում է, որ այդ հարաբերությունները պետք է արմատապես վերացվեն: «Ցավոք, ոչ ոք չի պաշտպանի նրան, ով դեմ դուրս կգա այդ հարաբերություններին: Նույնիսկ չեն էլ հասցնի: Բայց եթե քրեական աշխարհի ներկայացուցիչն իմանա, որ ընկնելով ՔԿՀ, նա չի ստանա արտոնյալ պայմաններ, կփորձի չհայտնվել այնտեղ »,-հավելել է Ռեւազյանը: