Ուկրաինայի նախագահ Պյոտր Պորոշենկոն հունվարի 1-8-ն ընկած ժամանակահատվածում հանգստացրել է Մալդիվյան կղզիներում, հաղորդում է «Ուկրաինսկայա պրավդան»-ն:
Տեղական լրատվամիջոցների տվյալներով՝ Պորոշենկոն յոթ այլ ուղեւորների հետ Falcon 7X մասնավոր ինքնաթիռով մեկնել է հանգստի եւ կանգ առել Cheval Blanc հինգ աստղանի հյուրանոցում:
Նրանց տվյալներով՝ Ուկրաինայի նախագահի հանգիստն արժեցել է մոտ 500 հազար դոլար կամ 14 միլիոն գրիվեն: Համապատասխան հարցում ուղարկելուց հետո նախագահի աշխատակազմից խոստովանել են, որ նախագահը հանգստացել է Մալդիվներում եւ հավաստիացրել են, որ նախագահը կհայտարարագրի ուղեւորության արժեքը:
