Թուրքիայի գլխավոր ընդդիմադիր «Ժողովրդահանրապետական» (CHP) կուսակցության առաջնորդ Քեմալ Քըլըչդարօղլուն Հրանտ Դինքի սպանության 11–րդ տարելիցին Twitter–ի միջոցով գրառում է կատարել։
Քեմալ Քըլըչդարօղլուն գրել է. «Մենք չպետք է թույլ տանք այս տարածաշրջանում ատելություն տիրի։ Խոնարհվում եմ 11 տարի առաջ սպանված Հրանտ Դինքի հիշատակի առաջ»։
Նշենք, որ այսօր՝ հունվարի 19–ին, Ստամբուլում տեղի են ունենում Հրանտ Դինքի հիշատակին նվիրված սգո միջոցառումներ։
