ՌԴ Պետդուման առաջին ընթերցմամբ ընդունել է Ռուսաստանին Ղրղզստանի պարտքի մնացորդ 240 մլն դոլարի դուրսգրման վավերացման մասին օրենքը: Այս մասին տեղեկացվում է Պետդումայի տվյալների բազայում, փոխանցում է Gazeta-ն:
Անցյալ տարի Ղրղզստանի նախագահ Ալմազբեկ Աթամբաեւը հայտնել էր, որ Ռուսաստանի եւ Ղրղզստանի ֆինանսների նախարարները Բիշքեկի բոլոր պարտքերի դուրսգրման մասին արձանագրություններ են փոխանակել:
Հետագայում Պետդումայի նախագահ Վյաչեսլավ Վոլոդինը պարզաբանել էր, որ Ղրղզստանի պարտքի դուրսգրումն ուղղված է երկրների հարաբերությունների զարգացմանը:
