Հռոմի պապ Ֆրանցիսկոսը առաջին անգամ պսակադրության արարողություն է անցկացրել չիլիական քաղաքների միջեւ չվերթի ընթացքում: Այս մասին հաղորդում է «ՌԻԱ Նովոստի»-ն՝ վկայակոչելով BBC News-ը:
30-ամյա ուղեկցորդուհի Պաուլա Ռուիցը եւ 41-ամյա ուղեկցորդ Կարլոս Էլորրիգան ավելի վաղ քաղաքացիական ամուսնություն էին կնքել, սակայն թռիչքի ընթացքում խնդրել են Հռոմի պապին օրհնել իրենց կապը: «Դուք ցանկանում եք, որպեսզի ես պսակե՞մ ձեզ»,- հարցրել է Պապը: Զույգը խոստովանել է, որ չի կարողացել պսակադրվել հայրենի Սանտյագոյի եկեղեցում, քանի որ այն վնասվել է 2010 թվականի երկրաշարժի հետեւանքով, ինչից հետո Հռոմի պապը պսակադրման կարճատեւ արարողություն է անցկացրել հենց օդանավի մեջ: