Երեւանի Հյուսիսային պողոտայում ավարտվեց «Ելք» դաշինքի երթն ընդդեմ թանկացումների (ֆոտոռեպորտաժ)։
NEWS.am-ի թղթակիցը հաղորդում է, որ երթն անցել է Շառլ Ազնավուրի հրապարակից, դեպի Աբովյան փողոց-Հանրապետության հրապարակ-Ամիրյան փողոց-Մաշտոցի պողոտա-Սայաթ-Նովա-Թումանյան փողոց, եւ ավարտվել է Հյուսիսային պողոտայում։
Երթի մասնակիցները ծափահարել եւ վանկարկել են «Իջեցում»՝ պահանջելով հարկային դրույքաչափերի իջեցում։
Հյուսիսային պողոտայում Նիկոլ Փաշինյանը հայտարարել է, թե իրենց երթերն ու բողոքի ակցիաները շարունակական են լինելու։ Հաջորդ երթն անցկացվելու է փետրվարի 5-ին։ Փաշինյանը նշեց, որ առաջիկայում իրենք դաշինքի ամենաբազմամարդ երթն են անելու։ «Մեր խնդիրն այս էներգետիկայի, այս պահանջի սեփականատեր դարձել ՀՀ ավելի շատ քաղաքացիների։ Իշխանութունների համար իր ծավալներով երթն ամենեւին էլ սասարփելի չէր, սակայն իր պոտենցիալով կարող է դառնալ»,- ասել է Նիկոլ Փաշինյանը եւ հավելել, որ իշխանությունները պետք է հետօղորմյա անեն վառելիքի գների աճը, չեղարկեն հարկային բարձրացումները։
Երթի սկզբից մի խումբ երիտասարդներ բրդել են կանաչ գույնի «Ջորի» մակնիշի մեքենան։ Նիկոլ Փաշինյանի խոսքով, այդ «Ջորին» խորհրդանշում է Հայաստանի տնտեսության վիճակը։