2017-ին Համաշխարհային օվկիանոսի ջերմաստիճանը հասել է հերթական ռեկորդի ու թարմացրել պատմական առավելագույնը, որը գրանցվել էր երկու տարի առաջ ։
Նման եզրակացությունների են հանգել Գիտությունների չինական ակադեմիայի մասնագետները, փոխանցում է ՏԱՍՍ-ը։
Ըստ ակադեմիայի Մթնոլորտային ֆիզիկային ինստիտուտի՝ ջրի 2 կմ հաստության վերին շերտում տաքության ավելցուկը «700 անգամ ավելի շատ էներգիա է պարունակում, քան Չինաստանում 2016-ին էլեկտրականության ամբողջ սպառումը»։ Ջրի տաքացման ամենաբարձր դինամիկան գրանցվել է Ատլանտյան ու Հարավային օվկիանոսներում, մինչդեռ մյուս ջրային զանգվածներում տաքացում սկսվել էր ավելի շուտ։
«Ծովային էկոհամակարգը սպառնալիքի տակ է։ Ջրի ջերմաստիճանի բարձրացումը մեծ սպառնալիք է ներկայացնում թագավորական մարջանախութերի ու այնտեղ բնակվող ծովային արարածների համար»,- հայտնել են գիտնականները։
Չինացի գիտնականները նաեւ նշել են, որ օվկիանոսի տաքացումը հանգեցնում է սառցե շերտի հալչելուն ու կարող է փոխել ստորջրյա հոսանքների համակարգը, որոնք մեծ ազդեցություն ունեն Երկրի ջեմաստիճանի կարգավորման վրա։
Համաշխարհային օվկիանոսի ջրի տաքացումը կլիմայական փոփոխությունների առանցքային ցուցիչներից մեկն է։
