Ռուսաստանի արտաքին գործերի նախարար Սերգեյ Լավրովը Աֆղանստանում եւ Կենտրոնական Ասիայում անվտանգության հարցերի թեմայով ՄԱԿ Անվտանգության խորհրդի նիստում ելույթ ունենալով, կոչ է արել ասիական երկրներին կեղծ ընտրության առջեւ չդնել եւ հարգել Շանհայի համագործակցության կազմակերպության (ՇՀԿ), Հավաքական անվտանգության պայմանագրի կազմակերպության (ՀԱՊԿ), ԱՊՀ եւ ԵվրԱզԷՍ շրջանակներում նրանց պարտավորությունները, հաղորդում է ՏԱՍՍ-ը:
«Պետք չէ Կենտրոնական Ասիայի երկրներին կեղծ ընտրության առջեւ դնել. կամ հարավ, կամ հյուսիս: Տարածաշրջանին կառուցողական շրջապատ է պետք եւ համագործակցություն բոլոր կողմերից»,-ասել է նա:
«Իհարկե, պետք է հարգել ՇՀԿ, ՀԱՊԿ, ԱՊՀ, ԵվրԱզԷՍ շրջանակներում նրանց պարտավորությունները», - ընդգծել է Լավրովը:
