Ֆրանսիական Zapata ընկերությունը փորձարկել է Zapata Ezfly անունով թռչող սարք, հաղորդում է «ՌԻԱ Նովոստի»-ն:
Փորձարկման տեսանյութը հրատարակվել է հեղինակների YouTube-ի ալիքում:
Փորձարկումները տեղի են ունեցել Տեխաս լճի վրա: Կադրերում երեւում է, թե ինչպես են մասնակիցները սաղավարտներով եւ հատուկ կոստյումներով սարքի վրա հերթով թռչում:
Ezfly-ն հագեցած է մի քանի ռեակտիվ շարժիչներ եւ բռնակներ ընդգրկող հարթակով, որի միջոցով իրականացվում է սարքի վերահսկողությունը: Սարքը կարող է բարձրանալ մինչեւ 3 կիլոմետր բարձրություն եւ զարգացնել մինչեւ 130 կմ/ժ արագություն:
Ավելի վաղ, մի բլոգեր Գերմանիայից ցուցադրել է «մարդկային անօդաչու թռչող սարք», որը լոգարանի տեսքով թռչող հարթակ է։
