Եվրոպական հանձնաժողովը Չեխիային, Գերմանիային, Իսպանիային, Ֆրանսիային, Իտալիային, Հունգարիային, Ռումինիային, Սլովակիային եւ Մեծ Բրիտանիային սպառնացել է պատժամիջոցներ սահմանել մթնոլորտի աղտոտվածության սահմանային թույլատրելի մակարդակը գերազանցելու համար: Այս մասին հաղորդում է Kommersant.ru-ն:
Այս երկրների շրջակա միջավայրի հարցերով նախարարները հունվարի 30-ին հրավիրվել են Բրյուսել մթնոլորտի աղտոտման հարցը քննարկելու համար:
ԵՄ Շրջակա միջավայրի հարցերով հանձնակատար Կարմենա Վելան հայտարարել է, որ այս հանդիպումը հնարավորություն կտա ինը երկրին հավաստիացնել Բրյուսելին, որ «քայլեր կձեռնարկեն իրավիճակը ԵՄ-ի շրջակա միջավայրի օրենսդրությանը համապատասխանեցնելու համար»: