ԱՄՆ Սենատում դեմոկրատների առաջնորդ Չարլզ Շումերն հանրապետականներին եւ նախագահ Դոնալդ Թրամփին առաաջարկել է առաջիկա երկու օրերին համաձայնության գալ դաշնային կառավարության ժամանակավոր ֆինանսավորման երկարաձգման հարցում, կառավարությունը կեսգիշերից հետո այլեւս չունի անհրաժեշտ միջոցներ գործառույթներն իրականացնելու համար, հաղորդում է ՏԱՍՍ-ը:
«Առաջ շարժվելու համար կա ճանապարհ՝ վաղը նախագահն ու Սենատի առաջնորդները պետք է նստեն եւ գործարք կնքեն, որպեսզի ամբողջ կառավարությունը երկուշաբթի կարողանա վերադառնալ իր բնականոն գործունեությանը»,-ասել է նա՝ քվեարկությունից հետո հանդես գալով իր գործընկերների առաջ։ Նա նաեւ կշտամբել է իր հակառակորդներին «քաոս եւ անկարգություն» ստեղծելու համար: «Մեկ ամիս շարունակ այդպիսին է եղել բանակցությունների ֆոնը։ Նրանք՝ հանրապետականները որպես կուսակցություն չեն կարողանում նույնիսկ մեկ դիրքից հանդես գալ» ,-հայտարարել է քաղաքական գործիչը:
Սենատի հանրապետական նախագահ Միթչ Մակքոնելը, իր հերթին, հայտարարել է, որ «իրադարձությունների այսպիսի զարգացումից հաստատ կարելի էր խուսափել»: Իսկ իրենց ընդդիմադիրների որոշումը կոչել է «ցինիկ»: «Դեմոկրատ սենատորները նախընտրում են տապալել ֆինանսավորման մասին ոչ հակասական օրինագիծը, որում չկա ոչ մի այնպիսի կետ, որը նրանք չեն սատարի»,-ասել է նա։
ԱՄՆ դաշնային գերատեսչություները դադարեցրել են աշխատանքը ֆինանսավորման բացակայության պատճառով
Սպիտակ տունը վերջնագիր է ներկայացրել դեմոկրատներին անօրինական ներգաղթյալների կարգավիճակի հարցով
Թրամփը կշտամբել է դեմոկրատներին հարկային բարեփոխումների «կշիռը նվազեցնելու» փորձերի համար
ԱՄՆ-ում դեմոկրատները քաղաքականությունը վեր են դասում երկրի շահերից․ Սպիտակ տուն
Մետիսը խոստացել է մեղմել ԱՄՆ կառավարության ֆինանսավորման դադարեցման հետեւանքները