Android պլատֆորմում գործարկվել է անվճար WhatsApp Business հավելվածը: Այս մասին հաղորդում է «ՌԻԱ Նովոստին»`վկայակոչելով ստեղծողների բլոգին:
WhatsApp-ի ստանդարտ տարբերակից նոր տարբերակի հիմնական տարբերությունը բիզնեսի պրոֆիլների ստեղծման հնարավորությունն է: Էջում գործարարները կարող են նշել ոլորտը, որտեղ գործում է իրենց ընկերությունը, մատուցվող ծառայությունների ցանկը, հասցեները եւ կոնտակտները:
Հավելվածը դեռ հասանելի է միայն Ինդոնեզիայի, Իտալիայի, Մեքսիկայի, Միացյալ Թագավորության եւ Միացյալ Նահանգների օգտատերերի համար, սակայն մասնագետները խոստանում են առաջիկա շաբաթներին մեսենջերի աշխարհագրությունն ընդլայնել: