Ադրբեջանում կայանալիք նախագահական ընտրությունների կապակցությամբ Կենտրոնական ընտրական հանձնաժողովն արդեն սկսել է նախապատրաստական աշխատանքը: Ընտրությունները նախատեսված են 2018 թվականի հոկտեմբերին: Այդ մասին շաբաթ լրագրողներին հայտարարել է Կենտրոնական ընտրական հանձնաժողովի նախագահ Մազահիր Փանախովը, հաղորդում է haqqin.az-ը:
Ընտրական օրենսգրքի համաձայն՝ ընտրությունները տեղի են ունենալու հոկտեմբերի 17-ին:
Ըստ Փանախովի` տարեսկզբից երկրի տարածքում ընտրողների ցուցակների ճշգրտում է կատարվում: «Հավանաբար ընտրատեղամասերի մակարդակով ցուցակների ճշգրտումը կավարտվի մինչեւ փետրվարի 5-ը: Ընտրատեղամասերից ընտրողների ցուցակի մասին հավաքված տեղեկատվությունը կփոխանցվի շրջաններին», - ասել է Փանախովը: