Մեծ Բրիտանիայում խոշորագույն առցանց խանութները գնորդների մասին տեղեկություններ են փոխանցել երրորդ անձանց, հաղորդում է «ՌԻԱ Նովոստին»՝ հղում անելով Times-ին:
Ըստ Evidon վերլուծական ընկերության մասնագետների՝ Debenhams-ի, Mothercare-ի, Marks & Spencer-ի, Boots-ի, House of Fraser-ի, Amazon-ի եւ Tesco-ի կայքերում տեղադրվել են գնորդների գործողություններին հետեւելու համար 13-ից 65 միջոցներ: Դրանց միջոցով կարելի է իմանալ հաճախորդների IP հասցեները, նրանց գտնվելու վայրի, սարքի եւ բրաուզերի տվյալները:
«Ամբողջ օնլայն գովազդի համակարգը կառուցված է այն հայտարարության համաձայն, որ այն տեղեկությունը, որը նրանք հետեւում են, վերլուծում, վաճառում եւ գնում են, անանուն է: Այնուամենայնիվ, հետազոտությունները բազմիցս ցույց են տվել, որ հաճախ դժվար չէ բացահայտել կոնկրետ անձին», - ասել է գաղտնիության պահպանման կազմակերպության՝ Privacy International-ի ակտիվիստ Ֆրեդերիկ Կալտեները: