Մոսկվայում Հյուսիսային Քուրդիստանի ներկայացուցիչ Ռոդի Օսմանը Մոսկվային կոչ է արել կանգնեցնել Սիրիայի քրդերի դեմ Թուրքիայի ռազմական գործողությունը: Նա այս մասին հայտնել է «ՌԻԱ Նովոստի»-ին:
«Թուրքական ՌՕՈՒ-ն սկսել է ռմբակոծել Բուլբուլ նահանգը… Աֆրինի դեմ նման գործողության սատարումը մեծ սխալ է: Ռուսաստանը պետք է կանգնեցնի եւ չեղարկի գործողության այն կանաչ լույսը, որ տրվել է Թուրքիային, եւ չլինի այսպիսի ռեժիմի կողմում: Ռուսաստանն ինքն էլ գիտի, որ թուրքական ֆաշիստական ռեժիմը ահաբեկիչների օջախն ու գործակիցն է»,- ասել է նա:
Օսմանը նշել է, որ Թուրքիայի ռազմական գործողությանն աջակցությունը եւ թուրքական զորքերի կողմից Աֆրինի օկուպացիան վտանգի կենթարկեն մոտ մեկ միլիոն մարդկանց կյանքը: Նրա խոսքով՝ բնակչությանը Թուրքիայի զինվորականների կողմից զանգվածային սպանություն է սպառնում:
Կիրակի թուրքական տանկերը մտել են Սիրիայի Աֆրին եւ աջակցել են ընդդիմադիր Ազատ սիրիական բանակի գործողությանն ընդդեմ քրդական կազմավորումների: Թուրքական զրահատեխնիկան քրդերի ինքնապաշտպանական ուժերի կողմից լուրջ դիմադրության չի հանդիպել, որոնք սահմանից հեռանում են Սիրիայի խորքերը:
