Երկրին է մոտենում 2002 AJ129 աստերոիդը, որի չափերը համադրելի են երկնաքերի, փոխանցում է «ՌԻԱ Նովոստի»-ն՝ վկայակոչելով NASA-ին:
Երկնային մարմինը Երկրագնդին ամենից մոտ կգտնվի փետրվարի 4-ին, սակայն այդ ժամանակ աստերոիդից հեռավորությունը 10 անգամ ավելի մեծ կլինի Երկրի եւ Լուսնի միջեւ եղած հեռավորությունից: Տարբեր գնահատականներով աստերոիդի չափերը տատանվում են 0,5-ից մինչեւ 1,2 կմ-ի սահմաններում, իսկ արագությունը կազմում է վայրկյանում մոտ 34 կմ:
Գիտնականներն ընդգծում են, որ չնայած 2002 AJ129 աստերոիդը դասակարգվում է որպես «պոտենցիալ վտանգավոր», Երկրի հետ նրա բախման հավանականությունը զրոյական է:
