Ուկրաինայում անցած տարվա նոյեմբերի 12-ին առեւանգված ՀՀ քաղաքացիներին հայտնաբերել են։ Այդ մաիսն Facebook-ի իր էջում հայտնել է Ուկրաինայում Հայաստանի դեսպան Անդրանիկ Մանուկյանը։ «Մանրամասները առայժմ հայտնել չեմ կարող։ Լավ է, որ ամեն բան լավ է ավարտվել»,- գրել է դեսպանը։
Shamshyan.com-ի տեղեկություններով էլ, Ուկրաինայի Հանրապետությունում հայտնաբերվել են ամիսներ առաջ անհայտ անձանց կողմից առեւանգված, Հայաստանի հայտնի գործարար, «Շինանյութի Սերգեյ» մականունով Սերգեյ Մանուկյանի տղան՝ 26-ամյա Արման Մանուկյանը եւ նրա հետ առեւանգված ազգականը՝ 25-ամյա Սամվելը:
Ըստ կայքի, նրանց հայտնաբերել է հայրը՝ Ս. Մանուկյանը, օգտագործելով իր կապերը: Տղաները ողջ ու առողջ են: