Աֆրինի շրջանը վերահսկող քրդական «Ժողովրդական ինքնապաշտպանության ջոկատները» (YPG) հայտարարել են, որ թուրքական ռազմական օպերացիան տարածաշրջանում հնարավոր է դարձել Ռուսաստանի կողմից համաձայնության շնորհիվ, հաղորդում է «ՌԲԿ»-ն՝ վկայակոչելով Rudaw-ը:
«Մենք գիտենք, որ թուրքական զինված ուժերը չէին հարձակվի առանց միջազգային հանրության և առաջին հերթին` Ռուսաստանի համաձայնության, որն իր զորքերին դուրս է բերել Աֆրինից: Այդ իսկ պատճառով մենք համարում ենք, որ Ռուսաստանը հավասարապես պատասխանատու է այս հարձակման համար»,- նշվում է YPG-ի գերագույն հրամանատարության հայտարարության մեջ:
Կազմակերպության կայքէջում նաեւ նշվում է, որ քրդական ջոկատների հրամանատարությունը «Ռուսաստանին Թուրքիայի հանցավոր գործընկերն է համարում տարածաշրջանում խաղաղ բնակիչների սպանության գործում»:
