Ճապոնիայի կառավարությունը դեմ է հանդես գալիս Կորեայի Ժողովրդա-Դեմոկրատական Հանրապետության (ԿԺԴՀ) հետ միայն «լարվածության ժամանակավոր թուլացման համար» երկխոսության վերսկսմանը: Այս մասին հայտարարել է Ճապոնիայի ԱԳՆ ղեկավար Թարո Կոնոն՝ ելույթ ունենալով ազգային խորհրդարանի նիստի բացմանը, հաղորդում է «ՏԱՍՍ»- ը:
«Կարծիք կա, որ Հյուսիսային Կորեան պետք է հնարավորինս շուտ երկխոսություն սկսի: Սակայն առանց ճնշման երկխոսությունը չի կարող այս երկրին դրդել դադարեցնել միջուկային զենքի զարգացումը, որը բացահայտ հայտարարում է իր միջուկային ուժերի ստեղծման ավարտի մասին: Չի կարելի բանակցություններ վարել լարվածության ժամանակավոր թուլացման համար՝ փաստացիորեն համաձայնելով Հյուսիսային Կորեայի միջուկային սպառազինման հետ»,- նշել է նախարարը:
Նա նաև ընդգծել է Փհենյանի վրա տնտեսական պատժամիջոցների միջոցով ճնշում գործադրելու անհրաժեշտությունը. «Հյուսիսային Կորեան պետք է հասկանա, որ եթե նա շարունակի զարգացնել միջուկային զենքն ու հրթիռները, ապա այնտեղ գոյություն ունեցող ռեժիմը ապագա չունի»:
Ճապոնիան մտադիր է հասնել Հյուսիսային Կորեայի քաղաքականության փոփոխության եւ հրթիռամիջուկային ծրագրից հրաժարման
