Երեւանի Դավիթաշեն վարչական շրջանի գազալցակայաններից մեկում հունվարի 19-ին պայթյունի հետեւանքով վնասվածքներ ստացած տղամարդու վիճակը շարունակում է ծայրահեղ ծանր մնալ: Այս մասին NEWS.am-ի հետ զրույցում ասաց «Արմենիա» բժշկական կենտրոնի Վերակենդանացման բաժանմունքի վարիչ Սուրեն Մակարյանը: Նա նշեց, որ 32-ամյա Էրիկ Կ.-ի վիճակում դրական փոփոխություն չկա, նա շարունակում է միացված մնալ արհեստական շնչառական ապարատին: 32-ամյա տղամարդն ունի բազմաթիվ կոտրվածքներ:
Հիշեցնենք, որ Սասնա Ծռերի փողոցում գտնվող «Քար Գազ Սերվիս» ՍՊԸ-ին պատկանող գազալցակայանում պայթել է թիվ 58 երթուղին սպասարկող «ԳԱԶել» մակնիշի 2809S պետհամարանիշով (վարորդ՝ 1988 թ. ծնված Գ. Դ.) ավտոմեքենայի գազաբալոնը: Պայությունի հետեւանքով տուժածը գազալցակայանի աշխատակիցն է։
Դեպքի հանգամանքները պարզելու համար ԱԻՆ նախարար Դավիթ Տոնոյանի հանձնարարությամբ նշանակվել է տեխնիկական քննություն: