Եթե Toshiba-ի՝ միկրոչիպերի արտադրության ստորաբաժանման վաճառքի գործարքը մինչչեւ մարտի վերջ չհաստատվի, ճապոնական ընկերությունը կարող է IPO-ի (բաժնետոմսերի հանրային առաջարկ) դիմել: Այս մասին հաղորդում է Kommersant.ru- ն՝ վկայակոչելով Financial Times-եւ եւ կորպորացիայի մի քանի աղբյուրները: Այնուամենայնիվ, վաճառքի հետ խնդիրների առաջացման դեպքում սա լուծման քննարկվող տարբերակներից միայն մեկն է:
Հիշեցնենք, որ ճապոնական կորպորացիան հայտարարել էր, որ իր միկրոչիպերի արտադրության ստորաբաժանման վաճառքի մասին Bain Capital ներդրումային հիմնադրամի գլխավորությամբ կոնսորցիումի հետ համաձայնության է եկել դեռ սեպտեմբերին: Գործարքի գումարը 18.9 մլրդ դոլար կկազմի:
Toshiba-ն լուրջ ֆինանսական խնդիրներ ունի. ընկերությանը գումար է հարկավոր ատոմային էներգիայի ոլորտում ամերիկյան բիզնեսի հետ կապված ծախսերը ծածկելու համար: Ընդ որում, վաճառքի գործարքը պետք է ավարտվի մինչեւ այս տարվա մարտի վերջ: Հակառակ դեպքում ընկերությունը բացասական բաժնետիրական կապիտալի պատճառով դուրս կգա Տոկիոյի ֆոնդային բորսայի ռեգիստրից: