Հուսիները ցույց տվեցին, որ չեն կարող գործընկեր լինել խաղաղության հասնելու համար: Ռուսաստանի արտգործնախարար Սերգեյ Լավրովի հետ բանակցություններից հետո կայացած մամուլի ասուլիսին այս մասին հայտարարել է Եմենի արտգործնախարար Աբդել Մալեք ալ Մահլյաֆին, փոխանցում է «ՏԱՍՍ»-ը:
«Պատերազմն ընտրություն չէ, պատերազմը պարտադրվել է մեզ հուսիների հեղափոխության պատճառով... Հուսիները սարսափելի հանցագործություններ են գործում Սանայում: Ես նկատի ունեմ Եմենի նախկին նախագահ Ալի Աբդուլլահ Սալեհի սպանությունը, հարյուրավոր մարդկանց սպանություններն ու ձերբակալությունները՝ չհաշված հրթիռների արձակումը»,- ասել է նա:
«Այս ամենը խոչընդոտ է մնում խաղաղ կարգավորման ճանապահին: Հուսիներն ապացուցել են, որ իրենք չեն կարող իրական գործընկերներ լինել (խաղաղությանը հասնելու հարցում)», - ավելացրել է Եմենի արտգործնախարարը:
