Եվրամիությունը նոր ռազմավարություն է ընդունել Իրաքի վերաբերյալ: Այս մասին ասվում է Եվրախորհրդի հայտարարության մեջ, որի՝ համայնքի անդամ երկրների արտաքին գործերի նախարարների մակարդակով նիստը տեղի է ունենում այսօր Բրյուսելում, հաղորդում է «ՏԱՍՍ»-ը:
«ԵՄ-ն վերահաստատում է իր կողմնակցությունն Իրաքի հետ ամուր գործընկերությանը, որը սահմանված է համագործակցության մասին համաձայնագրով, ինչպես նաեւ աջակցում է Իրաքի իշխանություններին վերակառուցման այս փուլում , ինչպես նաեւ քաղաքական, սոցիալական եւ տնտեսական անկայունության դեմ պայքարում»,- նշվում է փաստաթղթում:
ԵՄ անդամ երկրների արտաքին գործերի նախարարներն ընդգծել են, որ Իրաքի վերաբերյալ ԵՄ ներ ռազմավարությունը յոթ հիմնական խնդիր է ներառում: Դա է Իրաքի միասնության, ինքնիշխանության եւ տարածքային ամբողջականության, ինչպես նաեւ էթնիկ եւ կրոնական բազմազանության պահպանումն է, երկրի քաղաքական համակարգի ամրապնդումը, ինչպես նաեւ մարդասիրական օգնության տրամադրումը եւ աջակցությունը վերականգնման վաղ փուլում: