Վերջին 125 տարվա ընթացքում Դաշնակցությունը որեւէ կրեատիվ բան չի արել: Նման կարծիք հունվարի 22-ին ՀՀ Ազգային ժողովում տեղի ունեցած ավանդական ճեպազրույցների ընթացքում հայտնեց «Ելք» դաշինքի խորհրդարանական խմբակցության քարտուղար Գեւորգ Գորգիսյանը՝ մեկնաբանելով ՀՅԴ խմբակցության քարտուղար Աղվան Վարդանյանի ավելի վաղ արված հայտարարությունը:
Հիշեցնենք, որ Աղվան Վարդանյանն այսօր ԱԺ-ում հայտարարել էր, որ «Ելք» դաշինքին պակասում է ստեղծագործական մտածողությունը: «Կանաչ ГАЗ 21-01-ը բողոքի երթի ժամանակ այդքան էլ ստեղծագործական որոշում չէ ընդդիմության համար», - նշել էր նա:
«Խորհրդարանի նիստին մենք կջախջախենք նրանց բոլոր հորինված փաստարկները»,- նշեց Գորգիսյանը` հավելելով, որ երբեմն թվում է, թե իշխող կոալիցիայի շատ ներկայացուցիչներ այնքան հեռու են իրականությունից, որ գնաճը նորմալ են համարում:
«Ելք» դաշինքի ներկայացուցիչը նման գնահատականները ներկայիս սոցիալ-տնտեսական իրավիճակում ոչ ադեկվատ անվանեց:
