Իրաքի խորհրդարանը երկուշաբթի օրը վերջնականապես հաստատել է խորհրդարանական ընտրությունների անցկացման օրը՝ մայիսի 12-ը, եւ կոչ է արել կառավարությանը ապահովել բոլոր անհրաժեշտ պայմաններն անվտանգության ոլորտում եւ էլեկտրոնային քվեարկության հնարավորությունը: Այս մասին «ՌԻԱ Նովոստի»-ին տեղեկացրել է խորհրդարանի աղբյուրը:
Երկրի նախագահ Ֆուադ Մաասումը խորհրդարանի որոշումից անմիջապես հետո ընտրությունների անցկացման օրը հաստատող հրամանագիր է ստորագրել, նշվում է պետության ղեկավարի պաշտոնական կայքում:
