Ամերիկացի դերասանուհի Կոննի Սոյերը, որը Հոլիվուդի ամենատարեց աշխատող դերասանուհին էր, ԱՄՆ-ում մահացել է 106 տարեկանում, հայտնում է TMZ պորտալը:
Սոյերը մահացել է Լոս Անջելեսի իր տանը:
Դերասանուհին ծնվել է 1912 թվականին Ռումինիայից հրեա ներգաղթյալների ընտանիքում: 1959 թվականին Սոյերը Ֆրենք Սինաթրայի եւ Էդվարդ Գ. Ռոբինսի հետ նկարահանվել է Ֆրենք Կապրայի կատակերգական «Անցք գլխի մեջ» (A Hole in the Head, 1959) ֆիլմում: 2012-ին դերասանուհին, որն այդ ժամանակ 99 տարեկան էր, դարձել է ամերիկյան Կինեմատոգրաֆիական արվեստների եւ գիտության ակադեմիայի ամենածեր անդամը:
Կինոյում Սոյերի վերջին աշխատանքն է միս Սալլիվանի դերը հեռուստատեսային «Ռեյ Դոնովան» (Ray Donovan, 2013) դրամայում:
