Լիբանանի նախագահ Միշել Աունը երկուշաբթի օրը հրաման է ստորագրել խորհրդարանական ընտրությունների օրվա նշանակման մասին, հայտնում է տեղական Naharnet պարբերականը:
Պարբերականի տեղեկություններով՝ ընտրությունները նշանակվել են 2018 թվականի մայիսի 6-ին: Բացի երկրի նախագահից, հրաման է ստորագրել նաեւ երկրի վարչապետ Սաադ Հարիրին եւ ներքին գործերի նախարար Նուհադ Մաշնուքը:
«Այս ընտրություններում լիբանանցիները պետք է ճիշտ ընտրություն կատարեն՝ ընտրեն նրանց, ովքեր իսկապես համապատասխանում են իրենց ցանկություններին եւ հույսերին»,- հայտարարել է Աունը:
Պարբերականի փոխանցմամբ՝ Լիբանանի պատմության մեջ առաջին անգամ ընտրությունները կանցկացվեն համամասնական ընտրակարգի հիման վրա: