2017 թվականին բռնի մահով Միավորված ազգերի կազմակերպության (ՄԱԿ) 56 խաղաղապահ է մահացել, ինչը ռեկորդային ցուցանիշ է 1994 թվականից ի վեր: Այս մասին ասվում է Համաշխարհային կազմակերպության գլխավոր քարտուղար Անտոնիո Գուտերեշի ներկայացրած զեկույցում, փոխանցում է «ՏԱՍՍ»-ը:
«Զեկույցի հրապարակման պահի դրությամբ 2017 թվականին 56 զոհ է գրանցվել՝ ամենամեծ թիվը 1994 թվականից ի վեր: Այս թվերը դուրս են բոլոր թույլատրելի սահմաններից, եւ դրանք, ըստ երեւույթին, կշարունակեն աճել: Պետք է փոխել ինչ-որ բան այս միտումը հետ շրջելու համար»,- գրել է ՄԱԿ-ի վարչական ղեկավարը: