Համացանցում Ferrari 488-ի նոր փոփոխված տարբերակի լուսանկարն է հայտնվել: Այն կդառնա իտալական բրենդի պատմության մեջ 8 մխոցանի շարժիչով ամենահզոր մեքենան: Լուսանկարը տեղադրվել է Instagram-ում FerrariPhotoPage-ի էջում, հաղորդում է Autonews-ը:
Լուսանկարն արվել է սուպերքարի փակ շնորհանդեսի ժամանակ, իսկ հանրային պրեմիերան նախատեսվում է անցկացնել մարտին Ժնեւի ավտոսրահում: Ենթադրվում է, որ նորույթը կկոչվի 488 Special Sport Series:
Ավելի վաղ հայտնի էին դարձել կուպեի որոշ տեխնիկական բնութագրերը: Այսպիսով, նորույթը հագեցած կլինի արդիականացված 3.9 լիտր, ընդլայնված տուրբիններով V8 ագրեգատով: Շարժիչը, որը արտադրում է ավելի քան 700 ձիաուժ, կաշխատի հատուկ «ռոբոտով»: