Թրամփի` Կորեայի Ժողովրդա-Դեմոկրատական Հանրապետության (ԿԺԴՀ) նկատմամբ տարվող քաղաքականությունը համախմբեց համաշխարհային հանրությանը Կորեական թերակղզում միջուկային զենքի արսենալի կրճատման անհրաժեշտության շուրջ, սակայն, այնուամենայնիվ, սպառնալիքը Փհենյանի կողմից աճում է: Այս մասին հայտարարել է ԱՄՆ նախագահի ազգային անվտանգության հարցերով խորհրդական Հերբերտ Մաքսմասթերը, հաղորդում է «ՌԻԱ Նովոստի»-ն:
Միեւնույն ժամանակ, նրա խոսքով, Թրամփի՝ ԱՄՆ նախագահի պաշտոնը զբաղեցնելուց ի վեր համաշխարհային հանրությունը հասկացավ, որ «Կորեական թերակղզու միջուկային զենքի կրճատումը միակ լուծումը չէ», իսկ երկրները, առաջին հերթին՝ Չինաստանը, ԿԺԴՀ-ի հանդեպ սկսել են կիրառել տնտեսական ճնշման մեխանիզմը:
«Բոլորը գիտակցում են, որ մենք չենք կարող կրկնել անցյալի սխալները, երբ բանակցություններում հաջողությունների պատրանք էր ստեղծվել, եւ դա թույլ էր տալիս մեզ ստատուս քվոն նոր նորմ համարել, մինչդեռ նրանք (Հյուսիսային Կորեա) շարունակում էին միջուկային զենքի զարգացման նպատակներ ունենալ»,- ասել է Մաքմասթերը: