Չորեքշաբթի իտալացի ոստիկանները եւ կարաբիներները կալանավորել են «Կոզա նոստրայի» հետ կապված կլաններից մեկի 40 անդամի: «ՌԻԱ Նովոստի»-ի փոխանցմամբ՝ այս մասին հայտնել են քննիչները:
«Բարսելոնյան ընտանիք» անունով հայտնի մաֆիոզ խումբը գործել է Մեսինա քաղաքում: Կալանավորվածներին մեղադրում են իտալական մաֆիայի համար ավանդական իրավախախտումների մեջ՝ շորթում, խարդախություն, գողություններ, ապօրինի զենք պահել, սպառնալիքներ եւ բռնություն:
Ընթացիկ շաբաթվա սկզբից սա մաֆիայի դեմ պայքարի արդեն երրորդ խոշոր գործողությունն է: Երկուշաբթի իտալացի կարաբիներները «Կոզա նոստրայի» դեմ պայքարի շրջանակում կալանավորել էին ավելի քան 50 մարդու, որոնց թվում են եղել Ագրիջենտո նահանգի 16 մաֆիոզ ընտանիքների ներկայացուցիներ եւ Սան Բյաջիո-Պլատանիի քաղաքապետը: Երեքշաբթի կալանավորվել էին նեապոլիտանական «Կամորա» մաֆիայի կլաններից մեկի 45 անդամներ:
