KGI Securities-ի հեղինակավոր վերլուծաբանը Մին Չի Կուոն պատմել է Apple-ի նոր սմարթֆոնի մասին, որը կթողարկվի այս աշնանը: Նրա խոսքով՝ նոր մոդելը չի ունենա մի քանի գործառույթ, ինչն էլ կանդրադառնա հեռախոսի արժեքի վրա, փոխանցում է Life-ը՝ վկայակոչելով MacRumors-ը:
Մին Չի Կուոն նշել է, որ սմարթֆոնը չի ունենա էկրանին սեղմելու ուժը որոշող 3D Touch համակարգը եւ հագեցած կլինի 3 Գբ օպերատիվ հիշողությամբ:
Ինչպես հաղորդվել էր ավելի վաղ, Apple-ը միանգամից երեք սմարթֆոն կներկայացնի: Ամենաէժանը 6.1 դյույմանոց TFT-LCD էկրան կունենա (ոչ թե՝ OLED, ինչպես մնացածի դեպքում է) եւ կարժենա մոտ 700-800 դոլար:
Բոլոր նոր սմարթֆոնները կունենան iPhone X-ի նման դիզայն՝ առանց շրջանակի էկրան և Home կոճակի բացակայություն: