Հյուսիսկովկասյան շրջանային ռազմական դատարանն Աբդուրախիմ Մուխիդինովին մեղավոր է ճանաչել «Իսլամական պետություն» ահաբեկչական խմբավորման՝ Աֆղանստանում գտնվող ճյուղին միանալու փորձի համար՝ դատապարտելով նրան 10 տարվա ազատազրկման: Այս մասին հայտնում է դատարանի պաշտոնական ներկայացուցիչ Ալեն Կատկալոն, փոխանցում է «ՏԱՍՍ»-ը:
Մասնավորապես, Մուխիդինովը համացանցի միջոցով հավաքագրողին հայտնել էր իր տվյալները, համաձայնեցրել Հայաստանով և Իրանով Աֆղանստան հասնելու երթուղին, ինչպես նաև կամուֆլյաժային հագուստ և մինչև Երևան ավիատոմս էր ձեռք բերել:
Մուխիդինովը ձերբակալվել էր 2017 թվականի հունիսի 1-ին Դոնի Ռոստովի միջազգային օդանավակայանում, հայտնել է դատարանի ներկայացուցիչը:
