Թեհրանը երբեք չի ձգտել միջուկային զենք ունենալ: Այս մասին ի պատասխան ԱՄՆ փոխնախագահ Մայք Փենսի խոսքերին հայտարարել է Իրանի արտգործնախարարության մամուլի քարտուղար Բահրամ Քասեմին, փոխանցում է «ՌԻԱ Նովոստի»-ն:
«Ամերիկացի պաշտոնյայի սուտ եւ սպեկուլյատիվ խոսքերին հակառակ՝ Իրանի Իսլամական Հանրապետությունը երբեք չի ձգտել միջուկային զենք ունենալ»,- ասել է Քասեմին: Նրա խոսքով՝ իրանական ատոմի մասին համաձայնագիրն աշխարհի երկրների եւ հանրության առջև բացահայտել է «ամերիկացիների երկար տարիների սուտը»:
Հիշեցնենք, որ Փենսը երկուշաբթի օրը Իսրայել կատարած այցի ժամանակ հայտարարել էր, որ ԱՄՆ վարչակազմը թույլ չի տա Իրանին միջուկային զենք ձեռք բերել եւ այլեւս «չի վավերացնում» իրանական միջուկային ծրագրի վերաբերյալ համաձայնագիրը: